飛拱戲院正在舉辦歷史體驗活動,呢間戲院除左擁有全球獨一無二嘅飛拱設計之外,當年落成時亦是少數設有自動電梯及升降機的建築。 隨住戲院內部還原工程進行,戲院中一部1952年落成的 Waygood-Otis 全手動升降機重見天日,此升降機塵封至少25年,升降機仍保留50年代原裝機械及結構,相信為香港現存唯一全手動操作升降機,歷史價值極高,但暫時未知會否保留。
難以相信可以喺香港搵到一部70年歷史全人手操作嘅舊lift,升降機落成於50年代初,當時二戰後不久,社會尚在復原,物資不豐裕。同一建築內同時有自動電梯,呢部?喺當時蒞講算是非常架勢。
全lift精華:全銅製升降機操控面板
面版上的 Waygood-Otis 已於1957年易名為Otis
網上資料顯示,此升降機操控面板為20世紀初期設計,面版形狀獨特,四邊有綑邊裝飾,若然冇氧化嘅話一定係金光閃閃
呢部lift最特別係中間有個緊急掣,打破玻璃之後,按住緊急掣可以開住lift門行lift。(其實唔係好諗到呢個作用是什麼) 另一特色係右邊嘅緊急停掣,同左邊個燈掣係一樣構造,並無特別保護措施,容易誤觸。由呢兩個緊急掣反映出70年前嘅安全意識同現代非常唔同。
燈掣
控制升降機上下行嘅操縱桿,左落右上,中間有插孔,升降機靜止時將操縱桿插入防止誤觸而意外移動升降機
面版右下角謎之開關掣,估計係 deadman switch,操作升降機操縱桿時需要同時按住,確保不會出現無人駕駛
面版左下角估計係係鎖機用的鎖匙窿
揸lift人專用位
lift門旁邊呢個面版並非顯示升降機所在樓層給乘客知道,lift外有人撳lift嘅樓層會著燈,揸lift人靠呢個面版知道邊一層樓有人撳lift,然後將lift揸到所需樓層
lift內有文件例明只准認可人員操作此lift,文件上電話仲係7個字,顯示升降機最少由1995起封存至今。另外食煙仲係罰緊最高$5000,而不是定額$1500!
刻有升降機載重量及製造商OTIS的金屬牌
全手動升降機門,設計只容許由內部開啓,門外不設任何開門機關,所以除左撬門之外,理論上正常情況不能輕易開啓
lift外有50年代 Waygood-Otis 經典機械式樓層顯示器告知乘客升降機所在樓層
香港另一部同款機械式樓層顯示器:https://www.facebook.com/abandonedhkre/videos/757213188250116
升降機嘅內籠雖然冇外國嘅舊lift咁靚,但其實升降機落成年份為二戰後不久,當時香港仍在復甦時期,社會不是富庶,所以以當時環境呢部?算係非常豪華先進
呢部可能香港唯一一部現存嘅全手動操作升降機,也是戲院整體的其中一個重要部份,希望活化工程會保留住呢部升降機,能作靜態展示已是心滿意足。
© 2016 - 無人之境 ∣ Abandoned HK
無人之境Facebook: https://www.facebook.com/abandonedhkre