優點:
連接 GPS 好快, 外型都 OK , HK$1680 衛訊買確抵買,求其一部 3G 手機都仟幾蚊啦~
缺點:
GPS 揸車唔好靠佢 , 大約知道目的地就可以 , 如果要靠佢帶你去到終點 , 我相信唔係炒左車就係兜到你頭暈。
仲刈就係開始【導航】時 , 會有語音教你點行 , 教疽兩三句之後就再唔會有語音, 下下睇實個 mon 好易炒車。同埋到左路口先叫你轉彎 , 有時又左右不分 , 畫面其實轉左佢叫你轉右 , 好得人驚! 地圖唔 update , 輔助大約知o係邊就算 , 行路逛街搵地方就非常好 , 揸車真係唔好靠佢。
我用中國移動 2.75G 無限上網Plan , 上網超慢仲成日唔識 load , 有時仲話連接唔到網絡添 , 激死! 但用其他手機就冇問題 , 尤其最搞笑 , 我用部翻版山寨 iPhone4 上網 , 非常暢順冇問題。總之諗住上網一係用 3G 或以上 , 唔係就寧願用普通 2 或 3 G 手機仲好~
評價:
我成日揸車及行街周圍去 , 用佢 GPS 輔助確有用 , 其他功能對我可有可無 , 我最緊要就係通話清晰 , 電量一定要耐用 , 電池方面我覺得都 OK 耐用 , 但買多舊電池就穩陣少少 , 始終ASUS 係冷門機 , 第二時想換電池 , 相信都好難再買得到 , 代用電池我諗都應該冇出!?