優點:
1. 好靚 -- 我買藍色機,含蓄得黎又好有魅力 :),
2. 手感好 -- 唔係最薄既機但我覺得o岩o岩好
3. 速度夠 -- 冇LAG機
4. MON 夠SHARP
5. 個smart stay 功能係幾work 喎,唔望個MON 就會熄。
6. 影相唔駛點搞都影得幾好,對焦曾經有人話S2 對得慢,我覺得可接受
7. 舊電可以用左10 小時之後仲有一半電到 (咁我又唔係成日用既,正常禁下FACEBOOK WTSAPP 打幾個電話 聽一陣歌)
Power Saving Mode 係可以慳到電! (不過轉畫面係明顯冇咁順,但可以接受)
8. 我鐘意佢既狀態列,好清楚咁講每個快速選項係咩
(另外就係,S2 仲有唔少殼賣 :p )
缺點:
1. 我覺得可以再平D,尤其佢只係得8G,係一個好大既缺點 (不過可以加卡)
2. 冇左「大容量儲存裝置」功能 (S2 仲有架 T___T) (好似係由S3開始轉左)
呢個功能可以令手機好似USB 咁修改檔案。
佢而家變左係「可攜式裝置」而唔係「卸除式裝置」。
我本來刪錯左內置記憶體既相。如果佢有呢個功能,我應該可以o係電腦到用程式recover返個檔案。但而家唔得 >______________<
(所以大家買完機即刻入SD 卡,將相SAVE 入卡到好)
3. 個MON 太sharp 既唔好處係,喺手機睇返 D影好似好SHARP,但入左電腦後會想較返SHARP D 相
4. 影相冇得好似sony 咁禁個MON 就得,一定要禁MON 入面既影相制
Minor 野:
(由iPhone3S 轉用,打中文字會成日禁唔中打錯字,令到打字慢左)
(同iPhone3S 比,S2+ 我會好擔心冇殼會花)
(另外係,我以為佢有曬s3 有既smart 功能,原來得direct call, smart stay 同smart alert,其實都夠,係我期望高左,有少少失望)
(過左contact 落呢部機時,佢成日都將一個人既wtsapp 同電話contact 當兩個人咁出現。不過呢個我估唔係只係關s2+事)
(NFC 好難用到-- 我想用黎CHECK 八達通卡,但有時試好耐先CHECK 到)
評價:
由iPhone3S 轉用。本來諗左好耐買S2 Plus, S3 定S4
呢部機個外型真係好好睇,一般野都好夠我用。
本來最令我去等S4 既係S4 有1300萬像素相機
但我覺得$5898 太貴 (諗返以前S2 開賣時都係$52XX,而家旗艦愈黎愈貴,
要諗下自己有冇咁既需要。
可能我平日最多係睇下片影下相打下機,雙核好夠用,S3 都唔洗諗
(加上S2 plus 真係好睇好多)
另外5 寸本來我覺得都幾好,因為我覺得NOTE 2 太大部
但買左呢部我就覺得4.3 寸都好夠我
本來諗住買水貨,二千有找都買到,當買黎玩都唔蝕
不過第一次買機,想穩陣
而家至30/4 前去大鋪買機都仲有流動差電送
(當然遲買可能會再平D) (其實以我既用法唔駛差電都可以夠)
我有擔心過由iphone3gs 轉呢部會唔會覺得好似只係買左部新既3gs
但買完之後,見到部機就覺得好開心,因為真係好靚 :)
好彩冇買s4,因為s2+於我而言已經夠大夠電用夠薄相機亦ok
我就覺得我部電話都幾超值 :)
2013年5月1日: 不過自從我刪錯相,發現左佢係MTP而唔係UMS mode,用唔到電腦程式還原相片之後,而家就真係會諗多諗:
其實係唔係買二手S2 好過買S2 Plus.....
(不過又咁講,第時upgrade android 呢部應該可以比S2 upgrade 至少多一次)
所以記住save 相save 落SD 卡到/記住備份相片呀!!!