意見:
昨晚參加咗Dcfever x Hyundai攝影試車夜, 我試咗架suv Santa fe外型非常得體, 有中型suv感覺. Premium款配19吋鈴加大天窗, 多三萬蚊非常合理. LED大燈有型有款, 中控台設計比較平實沉悶, 膠感較重, 但係各式按鈕非常就手, 介面設計豐富,應有盡有. 座椅用厚皮, 承托力足夠, 做工唔差.
官方馬力公佈一百八十多匹, 日常使用感覺是足夠的, 但不要期望有推背感. 試車感覺加速力比較線性, 懸掛及anti-roll設計出色, 急彎傾側感覺不大, 有波箱加減波設計, 但有軚盤撥片更加好. 行車駕駛感覺轉數比較高, 整體試車是值這價位的, 但售價如果能在30萬以下便更有競爭力, 畢竟現在的歐洲suv售價也在30萬至40萬之間.