我又八掛走去專門店摸左下呢部新機,佢改善左好多野係變得幾實用,見到大陸咁多廠做到佢終於都捨得整返做摺埋都似返部正常電話size啦,我係有Z Fold 5嘅,用落就好似唔張開佢就冇咩用咁因為摺埋左之後部野又窄又長好易打錯字撳錯位,宜家做到正常返d嘅話就唔係好明點解唔一開始就做好佢囉,不過大家都係唔洗寄望咁多samsung啦,佢死性不改,係都要keep個死人鏡頭凸曬出離,咁佢突破咁多難關整薄部機就完全唔知為乜啦,計數係冇人會計最薄個點,因為實際使用係don't give a shit,你最厚個位先係卡住我用嘅地方,人地iphone出凸鏡頭嘅時候係話明留意到市場上每個人都用殼先至覺得大家唔會介意鏡頭位稍為凸出,宜家你整薄佢然後預計用戶會用殼成件事係自相矛盾,連整薄部電話個提倡者iphone 16e都cut左鏡頭質素就係為左造平佢實現有效嘅纖薄,你部Edge係搶先出世但係成舊野都係9嘅,總之全身薄一道厚唔知做乜,直到我睇左編報導見到samsung官方回應點解維持4400mah呢個電池容量係因為佢地認為市場偏向鏡頭質素而唔係電池容量所以整都整左個鏡頭先喎,我就知samsung誤判得個市場太過份啦,佢地以為用得samsung一定係港女自拍嗰班人囉,即係一定唔會重視我地架啦,打後幾代點出我都觀望態度,我唔會入佢26代因為我知佢諗錯野下一代一定係7架啦,佢Z Fold 7出嘅時候明明最多人疑惑嘅地方係點解電池仲係4400,大家都問問到佢地要回應都仲係講緊個鏡頭而唔面對個問題即係佢已經走火入魔,原來佢最自豪嘅地方就係我一直批評得佢最勁嘅地方,咁真係唔洗講野,我走就係啦,by the way我已經買左ASUS ROG 9作為我最新型號嘅電話,我唔等啦，如果要加個結語係下邊就會係：Apple係創新設計部電話，Samsung就係創作個最靚嘅PPT然後砌埋佢，只要砌埋唔爆就得啦Note7之後嘅教訓，但係PPT內容互相矛盾嘅時候呢班人係完全唔知嘅，因為缺乏設計概念

我優點唔好出咁多摺疊手機啊好嗎

我想唔好出咁多摺疊手機好嗎

我想唔好出多啲摺疊手機啊

二手$2000有找，買到128GB淨係，幾好
熟悉嘅6.1吋，舒服😌
係咁多，其他好嘅地方 有唔少師兄師姐提過，就唔重覆啦

散熱算係「佛系」?
4GB RAM 喺今年嚟講，係有啲kam；遊戲間中會crash，都係揼返上iPad同Android機會好啲

原本因為錢銀方面嘅難題，賣咗部S23同M1 iPad Pro，用住iPhone 8同一部$700有找嘅Android平板…捱到5月鬆動少少，先至升返上嚟
(紅米10C都賣咗…錢作怪)
感受過Android電話嘅好，有時睇到而家嘅iPhone，都真係無乜feel…但係iOS同網上理財係幾夾嘅(過完數可以cap圖，明顯放心好多)

快
輕
薄
用返足所以G service
仲好仲慳電
係用唔到某個快餐店個廢app

唯一就係貴

三摺落地
前無古人

影相估唔到好正


某d廢柴軟對抗
無用過就收檔啦

經過幾年由Zenfone 8過左去Samsung再轉返入ASUS有d野都係呢邊好d嘅
-差電真係好快
-電池連續使用時消得好慢,即係真係好襟用啦
-多返好多針對講電話嘅改善AI,可能係系統原因,但係終於有人正視返呢部係電話唔係電腦,做返d講電話嘅功能落去
-有兩個USBC位係一個好有用嘅優勢,因為以前試過有d插位壞鬼左叉唔到電要用無線叉,宜家有後備添
-有3.5mm窿插耳筒,有時我地唔只用佢駁耳筒,仲會係臨訓前插落個喇叭播節目聽住訓,但係好多廠取消左話要行高科技路線用藍牙,我電腦個喇叭冇藍牙,唔通一闊三大買個藍牙喇叭咩,為左你個理想洗我d錢你都傻嘅,宜家ASUS話佢仲有呢樣野,咁就變左優勢架啦,好大優勢添啊
-過左半年之後買平左好多,我最鍾意呢個,一部咁高規格嘅電話造俾人打機而我只係作日常使用,一定係超出我預期嘅威力而且仲要識自己落價簡直一流
-有跟機連埋個叉電器,唔會要求你自己買
-個介面幾好用,好多功能又有性格睇落幾型添,機背可以睇時間好方便
-個機身喇叭對於某種立體聲鈴聲播放好出,例如only time用左落去做鈴聲都唔錯喎,因為其他機有個通病就係個喇叭好拆聲,你想搵d好聽嘅歌用都未必啱用,宜今次終於有部機會做好左呢d打出打入嘅位置,做返好一部電話而唔係一部手提電腦,呢樣野會令到你可以係地鐵有人打俾你嘅時候型d囉,都唔錯架

-佢跟機個殼好差,基本上係包唔實部機,戴住都會整爛嘅程度
-配件係周街冇得賣,我想買個保護好d嘅殼要同台灣鋪頭網上訂真係荒謬
-個相機鏡頭太過凸出,副廠殼又冇,佢正廠出嘅殼又冇一個可以包要部機可以平放係枱面,都算係個幾大嘅缺憾
-佢個內置擋搔擾電話功能係幾廢,有個境外號碼打入,佢擋唔到喎,可以當佢唔識擋垃圾電話要再額外下載其他app做,Samsung唔會有呢個問題,呢個年代有定冇呢個功能好影響你使用呢部電話個心情,有後顧之優日日煩,咁我會好懷念用Samsung嘅日子囉,我幾重視呢個功能,宜家電訊商冇做好佢地嘅責任要我地去自己請保鑣,梗係啦,我地d電話號碼根本就係由電訊商賣出去俾人用離做商業行為,演變到今日做左詐騙都係由電訊商開始,佢地就係罪魁禍首點會幫你搞返掂佢啊

有好多過往使用ASUS嘅缺點係唔可以一時三刻試到出離,例如以前用Zenfone 8覺得佢電池一年就降到唔可以維持一日需要呢d,我起碼都要再用佢多一年先知佢有冇改善到呢d問題,不過我仍然對呢個牌子有信心,佢價錢比sony合理又有一d佢同sony都有嘅優勢就係個3.5mm窿,可惜佢冇做到SD卡窿啦,如果有做埋sony可以拉柴添啦

講明先,我只係去鋪頭攞上手試過下,但係有幾樣野係令我絕對唔想買嘅,我希望官方有人睇到去改善啦

-個機身係好薄啊,但係你造個咁鬼凸嘅鏡頭上去做咩呢,咁即係要搵返個一樣咁厚嘅殼去抵消返佢個鏡頭凸位先可以正常使用,如果唔係撞爛鏡頭或者放唔平部電話都係另一個官方製造嘅問題,好心唔好咁貪心啦,影相差小小就差小小囉,你係部電話唔係相機呢d係應該要取捨左佢啦

-第二就係你造到真係好輕,我幾心動架,但係同上面問題一樣,到我用返個適合嘅電話殼上去都應該變返200g啦,咁仲有咩用姐

-第三就係我好懷疑你整薄左佢之後小左d散熱又用返粒咁勁嘅U,咁佢可以行到最高輸出嘅時間有幾多呢,應該都好易會因為調節核心溫度而減低轉速啦,算罷啦,不過呢d質疑冇證據你當睇下算啦,又唔係真係好有力咁話你d乜嘅

呢部野個概念真係幾好,我期待有26個版本,如果做得好俾我揀我好有機會會買26代嘅Edge而唔係Ultra,我鍾意呢個版本多d,前題係你要做好佢先

近年Samsung真係做得好好架,佢個內置擋垃圾電話起碼做得好過ASUS令我好想留係呢個品牌,15年前d電唔襟,又熱又廢,宜家已經解決曬,我用左部23Ultra已經兩年舊電都仲夠用一日,我係想你好先講d野留個底希望有人睇到,我都想有26Edge而係我買得落手嘅,都唔係針對你Samsung一個架啦,市面上冇一部電話個鏡頭係唔凸嘅,我對呢樣野普遍係不滿,我好想有返一部係前後都平嘅,正常返d都得掛,唔係apple開壞左個頭就全世界都跟下話,如果我要凸鏡我不如直接買iphone,有時消費者唔揀佢就係想要d唔同嘅野,而唔係有個大台或者叫龍頭牽頭,百花齊放好d喎

Booking my trip through TruAirFare was seamless, and my new Samsung Galaxy S25 made it unforgettable. The camera quality is unbelievable — every beach sunset looked like a postcard! Plus, the battery easily lasted through long layovers and sightseeing days. A perfect combo for a modern traveler!” — Jessica M., frequent flyer and Samsung Galaxy S25 user
visit the site and get more exiciting offers https://truairfare.com/