Olympus XZ-1

評測報告

實拍照片

這机的P模式乃懶人福音之餘也不失可調校性，ND背光及低光模式十分方便好用，播相有背景音樂，此机的F1.8大光圈及1/1.6感光元件拍照屬prosumer必備，ISO若固定在100-320時低雜訉效果接近單反，亦有RAW方便聞相或曬印大照，机子大小剛好，但配了自動鏡頭蓋後要買適合的小腰袋須搜尋許久。總體說，拍照色準、銳利、飽和好、對焦快，如果近攝模式更易選取則較好，注意:用閃燈每每須自己手動打開。個人覺得olympus xz-1成像好過canon同級S95/S100，也不似canon机子太細此机手感較優勝，能USB叉電及當mass storage接駁亦更勝一籌，而jpeg+raw模式雙輸出可方便自我比試。

未用上低色散鏡片
AVI拍片多佔容量
拍片不是全高清
自動尋找主體對焦有時選體不準確
face tracking要拉近鏡才能捕捉
menu選項多對初哥有些高深
細机來說机身稍重不適合弱質女仕單手操作
有人評此机不夠長焦，米玩啦F1.8机仔長得去邊？

此机的較新版本應有更多改進，但計前6年内二手机而言xz-1仍屬最抵玩最值玩之選，本人二手購入價只400蚊，比起花多十幾倍錢玩新單反無反等去求不多於三倍更好的效果真實惠得多。

大光圈，低光淺景深均岩用
超輕便Prosumer，輕過Canon G系，甚至自家XZ-2
有齊ND濾鏡
RAW相細節極高（聞得開心）
用TCON-17x 影人像，景深效果景秒殺入門無反單反。
對焦準確而快速

Zoom得唔夠遠
升級配件係好用，但物罕為貴，配件價高且難搵
快捷鍵缺乏
微距鍵好難禁
欠缺手動對焦標距尺
雜訊高,暗位細節無nikon或Canon prosumer做得咁好。

留意街上的Snapshotter（撒除Casio TR及手機不說），我相信直到今年每十幾二十個人入面一定仲有一兩個人用緊XZ-1。何解一部產於2011年的相機，到依家仲會有咁多人用？市面上唔係有更多。性能更好，功能更多元的機種嗎？

無他，只怪新出機種多是新瓶舊藥，要不就是配置稍好，但價錢就貴一個Double。比如SONY RX100，無錯，佢影出黎既相的確好靚，而且機殼細得可以放入牛仔褲內，影景影人都一絕，但值唔值一個Double真的見人見志。至於XZ-10就更不用說了,直頭是有點downgrade了的簡易版XZ-1。

對於我呢個初入社會大學既後生仔來說，RX100是奢侈品，實在捨不得花上3000幾既價錢去換來兩倍功效提升都無既(RX 100 II)。相反的，XZ-1的F1.8（近） -2.5（遠）大光圈、輕便的驅殼、全手動至玩味Art Filters集於一身既設計，就恰好滿足到一個追求性價比的Prosumer。高光有ND，低光有大光圈，連拍RAW一秒3.5張，對焦0.2秒，二手價卻只是RX 100 II二手的一半有找。

細心留意，你會發現XZ-1不是吧單單一部Prosumer機，佢仲有無限的可升級性。比如你想錄影，可以加上一支Microphone，令XZ-1成為一部專業攝錄機。你也可加配防水外殼，令住XZ-1潛到40m的深度。但我最想強調的一項升級是Olympus專為XZ-1生產的增距鏡 TCON-17x。

TCON-17x是淺鏡深迷思的終結者。如果再有人同你講「你想玩淺景深就要玩大機 / 貴機架啦」。你不妨潤返個位Sales，「車，我部XZ-1加埋增距鏡都係F2.5咋，景深向10米外也只有1.81米*，贏過晒好多無反機啦！」

所以，唔好比XZ-1兒戲的外表所騙！XZ-1 + Tcon17x可能是DC界史上最高性價比的組合。當然,XZ-1仍是有缺點的,同類sensor來講,它的雜訊比較高,以致佢影風景同夜景既效果未如理想。但人象及富主體既相片在光線充裕下仍有出眾既表現。

*資料來自: http://www.dofmaster.com/dofjs.html

- 大光圈，遠端F1.8濕濕碎，市面上好幾部機都做得到。但近端F2.5就另一故事了，無幾多部機做得到。112mm + F2.5 的結果就是：人像靚晒！！

- 平，靚，正，二千幾有齊大光圈，RAW格式，ND濾鏡，增加創作感的Art Filter。

- 雖然28mm廣角唔算點樣 wide，但係影風景已經綽綽有餘。

- 以同級別的1/1.7 sensor來講，成像極高極Sharp (以RAW格式記錄)。

- 如想追求更高攝影體驗，可用RAW 再加 Olympus Viewer 2 編輯影像，輸出效果不亞於無反機。

- 可Upgrade，用左CLR-12套筒，可加上Filter或者TCON-17x，用黎影人像或打雀都得。同其他Tele Converter不同的是，XZ-1用的TCON-17沒有出現明顯變形，或色散狀況，可謂是不失質素的Upgrade。

- 照光燈不會自動彈出，減少左故障的機會。同時Olympus讓用家長開照光補光模式，以便用家需要照光燈時立即可用，十分細心！

- 無論係遠攝，或是1cm微距，對焦速度也很快，約0.2秒，對焦準確度高。

- 以2014年的Standard來講，雜訊太多，ISO400開始見到Noise，ISO800 會明顯破壞影像。

- 影城市夜景的表現不錯，但暗位就算是ISO100也有少許雜訊。呢部機尤其不適合影星，影低光度夜景，因為會睇到不少雜訊。

- 操作介面不易掌握，尤其Manual Mode，需花心思同耐性去摸索。Macro mode的選擇不直接，需要禁兩次先至有得揀。

- 影RAW是一條龍，影Jpeg就差少少了。

隨住年歲增長，人對攝影，影像的要求就越來越高。Olympus XZ-1 俾我的印象，是一部充滿創作性的傻瓜機王，可以用於旅行拍攝，Snapshot。呢部機的可升級性，令佢比起其他DC更耐用，更多用途。

如果你是一個入門的龍友，又相信攝影的樂趣與竅門不單在於用品的質素與功能的話。XZ-1的可塑性，可能會為你帶黎不少驚喜！性價比之高，不會讓用家失望。

F1.8-2.5大光圈, 開大都sharp, 10mb RAW 配合千萬像素影像結實,
很堅固機身, 標準Hotshoe, 優質雙轉盤控制光圈快門, ...... 合理的Olympu's Menu.
二手價平!

定價太高!!
Jpg auto WB 偏紅得過份[似AGFA菲林], 噪點控制也過份[似富士機仔]且不能關掉. 要準確只能影RAW.
高ISO只及135菲林水平.
movie只有720 motion-Jpg, file size 大吃SD card的.

我2014才二手買入, 以價論貨完全超值, 方便每日隨身的高階機, 之前用過canon SX230HS, 比起來XZ-1雖然較低科技, 但相片質感(RAW)更討我歡喜. 甚至喜出望外。
曝光操控算不上容易,因沒有ISO快捷鍵. 如果P mode是你常用,鏡頭上那大轉盤一定滿足到你。

EXCELLENCE MACRO
LOW PRICE
RESPONSIVE
EXCELLENCE LENS

WISH THE LENS WAS WIDER
WISH I CAN TURN OFF NOISE REDUCTION

用左年幾, 完全冇想放既感覺......本身已經有OMD, XZ-1既MACRO 仲勁過OMD KIT MACRO!但佢既價係支KIT鏡價錢........<$2000 好低玩!!

1.8-2.5光圍
超級MARCO
潛水影魚對焦算好快
有B 快門.影夜景容易..
行山影天影山合自己要求.
ART 好玩

唔夠WIDE
MF 對焦可以唔係按個上上下下會好D
閃燈太WEAK

2011 新機一出即買..加埋個潛水PT-050
諗住點都係做後備機.要考慮落得水又上得山,影人影花影晚景
呢部用到今年還是愛不惜手..
一部DC 仔做咁多樣野..玩過一年我覺得好合格