優點:
1) F1.8大光圈,Zoom盡仲有F2.5 玩散景超正
2) S-Macro好掂 近到1cm都影到
3) 對焦速度唔錯
4) 白平衡滿意
5) ISO100-400畫質靚 ISO800都用到
6) 閃光燈力度夠 又有級數控制
7) ND Filter實用 減光多幾級
8) Art Filter多款好玩
9) 外形紮實 機身體積算細
10) 有咁上下重量 手感唔錯
11) 鏡頭設計又靚又好玩
12) OLED Mon幾細緻幾靚
13) 按鈕擺位就手 轉盤方便
14) 有埋獨立拍片按鈕
15) 有Hot Shoe 可外置其他配件
缺點:
1) 冇Fn按鈕 Set野冇咁方便
2) Set Macro要入多重唔方便
3) 夜拍比較多雜訊 又冇NR級數選擇
4) 拍片時間有上限 Fouse麻麻地
5) 少左把手位冇咁舒服
評價:
買之前做已經足功課,XZ1果然冇令我失望...用左幾日已經覺得好正,好快就上晒手喇,之前用開傻瓜DC T仔,而家轉上黎Prosumer真係好爽...
相片質素高,對焦速度夠快,顏色準,微距又掂,仲可以玩埋淺景深,外形又夠靚仔(黑色型仔,白色華麗)...我已經好滿意,O記既色彩我都好鏡意,實淨得黎唔會好誇張...功能都好齊全,有晒PASM,支援RAW格式,HD拍片,加埋獨有既Art Filter可以話好滿足啦...不過都有不足之處,我覺得佢測光好多時都偏暗(係相機Mon睇唔覺,落返PC Mon睇好明顯,可能佢個OLED Mon太靚啦),EV要+0.3/0.7先得...有時係唔夠光既環境下部機既快門去到1/2s都唔肯拉高ISO就返,要手動set先得...仲有d少問題就係佢MF有d難用,因為冇比例尺睇要靠估...冇Fn快捷鍵set ISO果d係有少少麻煩,AE/AF Lock都係,不過我覺得呢d係額外野黎,有埋咪pro d lor...講埋手握方面,如果有把手位會更好,我一開始上手果時覺得佢有d滑手(白色比黑色冇咁滑手,因為白色係全膠殼),有少少奇怪既係唔知點解黑色機身既前半係金屬而後半係膠!?講下講下好似講左XZ1好多缺點咁,不過呢d都係雞蛋裡挑骨頭姐...如果唔係又點會有第二代機出呢...
總括黎講我覺得XZ1係一部頂級既機,盡對有資格成為Prosumer既一哥!
PS: 好多人話XZ1個鏡頭蓋麻煩,我又唔覺wor,因為我將佢條蠅綁係機既右邊,影相果時隻右手降住等佢唔會fing黎fing去,而且有條蠅連住唔驚唔見,佢個設計幾好丫,唔記得開蓋都會自己彈開,我覺得好過阻住個鏡頭唔比佢出黎~