Olympus XZ-1

評測報告

實拍照片

大光圏, 有f1.8, 遠焦都有f2.5
價錢合理($3780)有對焦輔助燈 (epl1 ,epl2, ep1 及ep2都沒有)
6款ART FILTER (和epl2 FILTER數目一樣, 讚!)
有多重曝光, 讚!
配件得意,並可共用epl1 ,epl2, ep1 及ep2這些配件

未有提供手柄, 手感不好.
快門不足, 拍集體照還可以, 花絮就.....
鏡頭蓋設計容易唔見
手動微距對焦(加微距燈)超困難,不用也罷.
未能提供24mm焦距.(晚上卡位食飯拍照就會明白24MM的重要性)
ART FILTER無得調效果深淺.
晚上照片色彩細緻度不足, 層次欠奉.
晚上對焦表現一般

本身自己是sony/minolta user, 使用a850 及 nex5, 十分喜歡sony機表現, 特別是它的操控和顏色表現(i.e. a850 + 24F2Z, 85Z or 135F1.8Z,), 惟感覺好重. NEX 5其實表現好好(NEX 5 + SEL18200, 讚!),但支閃光燈表現太差, 故想找部較輕的隨身相機使用. 本身在公司亦用開canon單反,亦有上canon陳列室試G11,G12 和S95, 發覺不是我杯[茶], 特別係S95環形轉盤因太容易觸碰而改變設定值.G11或G12的快門仍不理想.......唉! 原本想買panasonic LX5, 但我覺得太貴. CP值太低. 減價前不建議大家用. 突然發現了這部相機, 價錢合理, 外表OK, 日光下有良好的表現,最重要可額外加的閃光燈(NISSIN DI466), 其實對我們這些業餘攝影師來說,這部相機可豐富我們的創作原素,(因它有ART FILTER, 多重曝光等功能. etc), 作為一部後備機功能卓卓有餘.這亦是我不考慮nikon最近新出的大光圏相機的原因. 我不太喜愛後製, 後製太多是令攝影變成[工作], 忘了攝影最大的樂趣.

最後, 我個人總結是: 如果你已有單反作主要拍攝工作, 這部是好的選擇. 反之, 我還是建議你選Canon G12 或 Panasonic LX5 會較為理想.

相片很SHARP
淺景深的層次非常好
不是一蒙便全蒙
比較相淺景深比P300好

影片 FILE SIZE 大
希望 XZ2 用 MP4 又不限時
下次送多塊電啦

曾買相機中(AZ1 ,P7, FX01,W220,FX70,NEX3)
最滿意的一部

●遠攝112mm 擁有F2.5 大光圈

●開機時鏡頭伸出，鏡頭蓋會掉到地上，所以必須用繩繫於機身。此設計可圈可點，有利有弊。

在此聲明，本人沒有購入此機，僅有試玩經驗而已。

對我而言，這部機吸引之處有二：其一是產品外觀設計吸引，其二是遠攝也有F2.5 大光圈。

憑此兩項特異優點，令不少人感性傾心，理性鬆懈下來。尤如看見靚女便動情追求，甚至閃電結婚，可是到後來才明白原來「內在美」是更加重要的！

不少用家說XZ-1的拍攝質素靚過什麼相機、什麼型號等.....，這說話太武斷了吧。事實上，影像質素在不同光圈、焦距、ISO配搭時會有不同程度的變化，各款相機在不同曝光設定下總有各自的特性及不同的質素變化，不可能簡化地說這個型號就靚過那個.......。


很多剛買入器材的用家，都說買入後不感後悔。但其實，你要把玩一段日子，有了深切的實戰經驗，才知道自已到底是否後悔的。

本人只有試玩經驗，現貼出以下連結，供大家比較各款相機的表現（主要是色彩表現、雜訊控制、動態範圍等），望諸君購買相機前有所參考：
http://www.imaging-resource.com/IMCOMP/COMPS01.HTM

PROS—
外型討好，條線簡約
金屬機身
輕巧
大光圈F1.8-2.5
閃燈可調控強弱前簾後簾
有HOT SHOE
有B快門
前轉盤方便，手感佳
相片大小有四款可選
獨立的拍片按鈕
拍片有得ZOOM
鏡頭質優
有ND濾鏡
ART MODE 有六款大路風格可選
IAUTO MODE 有助初學者掌控
ZOOM鏡時幾靜
可接駁VF-2
腳架接位是金屬

CONS—
鏡頭蓋不方便
光圈最小只有F8
後轉盤太細，反應不靈敏
連拍速度不夠快
儲存速度不夠快
選單板面較轉折，缺少獨立鍵直接改SETTING
ART模式不可調較ISO 光圈快門
ART模式開啟時，LCD反應太遲太窒
手大者難以穩陣地握持
叉電要重新適應
拍片速度單一，未有全高清，FILE用AVI大食
穿相機帶個孔細，難配新帶
說明書的作用係零

XZ-1，用了兩星期，以下分享一點用後感，如說錯請略過：

光圈：
無論咩野MODE，都經常自動設在F1.8，雖然質素不錯，但你唔覺唔覺張張都係咁，就好單一化了。光圈最小只有F8，影日光環境要好好配合ISO、快門、ND鏡，要考功夫了。

快門：
單一張絕對無問題，但連拍就慢左D。用ART模式時都會自動慢少少。但那把假聲幾好聽。

閃燈：
好少用，因為光圈搭救，彈出來果下力度好強，唔知易唔易CHOK壞。好彩係獨立開關，唔會突然自動彈出來好似S95咁。有得調校強弱前簾後簾，都算幾PRO下。

手感：
薄薄細細，手大者都幾難握實，但都係睇你習慣到與否，我就慣左了，要用隻左手係前面傍住個轉盤，直頭好似個廣告咁，咁就GOODFIT。我買黑色，金屬殼"鞋鞋"地，不跣手。（白色機人人望到揸住都話佢係塑膠，其實佢係包左層白色面的金屬，同樣不跣手）前面轉盤可以逐格扭，穩穩陣知道轉左幾多個參數。圓周上有凹凸坑紋，金屬質地，好啱手型。後面轉盤太細個，容易轉呀，不過都係想大少少好埋唔好咁鬆。十字制一般的好，沒問題。

按鈕：
快門制大少適中，敏感但又唔會容易按錯。ZOOM制反應都算快，快過LCD屏顯示果條W-----T bar。OPEN閃燈制是橫推的，硬實，好難會錯碰，佳。PLAY制於關機時都有反應，睇相不用開蓋開機，但有利有弊，睇睇下相你唔想睇以為慣左再按PLAY就退出，點知一按就開機，個鏡頭反應又勁快，"發"一聲就頂走你個蓋，好彩佢個蓋靠摩擦力食住個鏡頭圓邊位，設計真係獨特，原來係為左就你按錯個PLAY而又唔會頂住碌鏡伸出來，妙。獨立拍片制係右出角離得分明，不會按錯，而且可以拍中片中途影相。MENU同INFO制沒特別，但如果你想買個皮套（我買左，我只見到一款），皮套下方條邊會遮住左丁咁多，但絕對不構成使用上的阻礙。

操控：
如果係從傻瓜DC轉用XZ-1的用家，會發覺多左好多野可以較；相反，單反用家買來當SNAP機仔唔洗咁重，會發覺好多野冇得較。咁先就係PROSUMER的獨特過渡地位。從DC用家的角度看，光圈快門手動對焦對焦點可以揀閃燈又可較……花多眼亂，要慢慢消化，會好有心機咁去學用，去試盡那些P A S M同ART模式，又可以係IAUTO MODE比較到不同設定對一張相的變化。而從單反用家的角度看（唔該唔好下下同單反比，佢擺明唔及，包括畫質同操控），要耐心地再學下，係無得較某D設定的情況下，點樣用你的觸覺同技術去駕馭佢，拍出有質素的相片。凡事都有局限，在一定的局限中，施展方法把那件事物搞到最好，咁就係喜愛攝影享受攝影過程的人。

白平衡：
有手動設定可調較，一般情況下準確。「陰天」就濃左少少，不過最驚喜係「水族」竟然同商場射燈室內環境燈膽好夾。自訂白平衡暫时都係準的。

畫質：
比同級的質優，立體感較強，層次不俗，色彩有些人話濃鮮得滯，但都係見仁見智，睇下你影緊乜。「聞相者」會感到不滿，一般用家應該接受話GOOD，尤其係個LCD度睇。DPREVIEW有詳測。

拍片：
720P我夠啦，不過都幾大食。其實唔係咁多時會拍片，不時之需好GOOD架啦，又有HDMI輸出，掂啦。

LCD：
夠光夠清（可以再清D，不過總好過那些係電腦睇唔及係個機仔度睇果D機）日光下都清楚看到，窄角度都無問題。反應快，速度跟貼個鏡頭擺位。

閃燈：
強好弱好，不無小補。伸得夠高，ZOOM盡都避到。

反應：
一般情況下反應快，黑暗環境也差無幾，LCD速度跟貼個鏡頭擺位。其他MODE冇咩特別，但，一轉做ART MODE，窒到一秒兩格，例如一用針孔模式，就一邊窒一邊郁，等到你定晒先見到你個針孔對住乜野，一按影完要SAVE的時間好似較長。其實都唔知點解要咁設計，唔洗一轉MODE就立刻顯示其變化架喎，如果改到係我按半下對焦時，先見到影出來的針孔係咩樣咪得囉，咁會慳返大家唔少時間。

設定：
如果你係慣左CANON，NIKON等大路的設定操作按鈕的用家（尤其係單反如我），又未用過OM，咁你一定會質疑佢係咪有D唔妥，點解會咁笨架，ISO、WB、微距冇獨立制。SNAP SHOT你要較來較去已經慢左少少，仲要按幾次先較到一個設定……咁你開頭會覺得沮喪，跟手心裏會問有冇一本更詳細的說明書呢？係冇的。沮喪完就要諗諗，不如試多幾次用慣個程序啦，因為只有熟，才會悉。OK，其中過程不免會同部單反的操控互相比較（如我），會怕熟左呢部XZ-1，又搞亂左單反果邊，會兩頭唔到岸。始終攝影要花錢外，也要花時間。

鏡頭：
大大個，有實淨感，因為要就個光圈卦。彈左出來後，有丁丁點兒頭重，假使加個個皮套（如我），就沒有尾輕感。塊玻璃好大（相對其他PROSUMER），色亮通透，ZOOM的速度適中，ZOOM盡不覺伸長很多。不過真係要小心個蓋。佢吊吊fing不在話下，又大個喎，好易刮花個鏡、鏡身同機身，尤其係你關起來果下。如果可以有個RICOH LC-1三塊掩就GOOD了！不過睇怕都係發夢，因為個前面轉盤都應該冇位再安裝多舊野落去。

皮套：
唔關部機本身事，不過有左個套好好揸又唔怕刮花，帶出街又幾型，硬面軟芯保護周到，誠意推介。

電池：
電量耐用。叉電方式轉左，同叉部電話一樣，成部插住。咁變相你帶少舊叉機出街或出國，又唔係絕對的壞事，有人話為環保而改，第時好多新款型都係咁，唔知係咪只有OM的新款係咁呢？不過最驚叉成晚唔記得拔走個電源會影響部機。

F1.8：
唔係講個畫質，係講印係機身個LOGO。好當眼！有人話OM或其他牌子第時出部光圈更大的咁咪好樣衰。我就覺得好正常，入門級單反夠一年一機排晒NO.啦，都預左會不斷進步。我只擔心佢印落去的果層字會被刮花，或自然磨蝕，咁就有礙觀瞻啦，因為隻右手下下都揸到實，咁啱又會揸住果個位……

小結：
我認為係一部好機，至少拍出來的相片質素真係不錯，好過G12,S95,P3000,LX5， 見得人。
操控睇你肯唔肯去駕馭佢，部死物係不懂遷就你。
價錢合理，但如果可以跟個原裝套就好了（又發夢）！
希望UPDATE FIRMWARE時可以改良按鈕同增加ART模式的選擇。
VF-2好很貴，雞肋。
講到尾都係影張靚相最緊要，佢做到，不過會用你多一點時間。

大光圈
對焦快
控制閃光燈
觀看照片，十分方便

易甩手
對焦不準3) 沒有差電器，不能用時差兩個電
用濾鏡時會late

我選擇這機最重要是易上手。但不方便，因要在選單內改setting，無快速鍵.
改善:
加把手/防滑膠
對焦問題

1.顔色自然
2.影像清晰
3.1.8光圈，夜間手拿拍照也不過不失
4.電池也可以

1.在電腦看，放大的話解像度一般
2.手拿位置不就手
3.白色機身很膠，太玩具感覺
4.開機鏡頭頂鏡頭蓋

看了廣告，看了網站sample相，一直將這部相機和S95選擇，其實沒有直接比較功能，也沒有刻意想1.8光圈是否名副其實，相反，是看了廣告(很"無印")，簡約易用，就凴這個感覺買了。
結果，真的沒有令我失望，但也沒有驚奇，可能就是我想要的簡約。